हिमाचलप्रान्ते भवतां हार्दं स्वागतम्।
हिमाचलप्रदेशे संस्कृतभारत्याः कार्यारम्भः कलियुगस्य ५२ तमशताब्द्यां प्रथमवर्षे ५१०१ तमयुगाब्दे १९९९ तमे क्रिस्तवर्षे अभवत्। हिमाचलप्रदेशः ७ विभागेषु २४ जनपदेषु १२३ खण्डेषु च विभक्तो वर्तते। वर्तमानकाले २२ जनपदेषु ६८ खण्डेषु च संस्कृतभारत्याः समर्पितकार्यकर्तॄणां गणः कार्यरतः अस्ति। अस्माकं प्रान्ते २० वर्षेषु १९०० अधिकानि संस्कृतसम्भाषणशिबिराणि अभवन् येषु ७५००० जनाः भाषाशिक्षणं प्राप्तवन्तः पुनः ८७ प्रबोधनवर्गाः सञ्जाताः येषु ६५०० जनाः प्रशिक्षिताः एवमेव १९ प्रशिक्षणवर्गाः अभवन् येषु ७५० कार्यकर्तारः प्रशिक्षणं प्राप्तवन्तः तेषु ४१० कार्यकर्त्तारः अल्पावधिविस्तारकरूपेण प्रचारकार्यं कृतवन्तः। अधुना सहस्राधिकानां संस्कृतसम्भाषणसमर्थानां कार्यकर्तॄणां सहयोगेन वयं शिक्षण-प्रचार-सम्पर्कादिभिः विविधैः आयामैः सम्भाषणशिबिर-प्रबोधनवर्ग-प्रशिक्षणवर्ग-अभ्यासवर्ग-साप्ताहिकमेलन-नैपुण्यवर्ग-व्याकरणवर्ग-काव्यवर्ग-संस्कृतसप्ताह-गीताजयन्ती-संस्कृतबालकेन्द्र-पौरोहित्यसंस्कृतशिक्षणादीनां क्रियान्वयने सफलाः भवामः। हिमाचलप्रान्ते १८ संस्कृतकुटुम्बानां व्यवहारभाषा संस्कृतमेवास्ति। अत्र पत्राचारद्वारा ४५ जनाः संस्कृताध्ययने निरताः सन्ति। सम्प्रति हिमाचलप्रान्ते 02 पूर्णकालिकौ 07 पुरुषविस्तारकाः 01 महिलाविस्तारिका आहत्य 10 पूर्णकालिकाः विस्तारकाः च सन्ति । आगच्छन्तु मित्राणि! मिलित्वा संस्कृतभाषां जनभाषां कर्तुं प्रयतामहे।