भारतस्य पूर्वतटवर्तिप्रदेशेषु अन्यतमः उत्कलः प्रदेशः 30 जनपदविशिष्टः विशालः प्रदेशः अस्ति । विविधजनसंस्कृतीनां समावेशः अत्र दृश्यते । संस्कृतभारती उत्कलप्रान्तस्य मुख्यं केन्द्रं वर्तते कटकम् यत् खलु उत्कलराज्यस्य राजधान्याः 30 किलोमीटरमिते दूरे विद्यते । चतुर्षु धामसु अन्यतमं धाम श्रीजगन्नाथपुरीधाम अत्र राराजते । उत्कलराज्यस्य आराध्यः देवः श्रीजगन्नाथः ।