27-08-2023 दिनांके संस्कृतभारती देहरादून द्वारा संस्कृतसप्ताहस्य विविधाः कार्यक्रमाः आयोजिताः।
27-08-2023 दिनांके संस्कृतभारती देहरादूनजनपदस्य महानगरस्य च पक्षतः संस्कृतसप्ताहस्य अवसरे प्रथमदिवसे विविधाः कार्यक्रमाः आयोजिताः।
उत्तराखण्डे सम्पूर्णे राज्ये विविधेषु स्थेषु संस्कृतसप्ताहस्य उद्घाटनं जातम् ।
देहरादूननगरे कार्यकर्तारः यज्ञेन संस्कृतसप्ताहस्य आरम्भं कृत्वा ततः नगरे शोभायात्रां जनसम्पर्क-अभियानं च कृतवन्तः ।
ज्ञातव्यं यत् रक्षाबन्धनात् पूर्वं त्रयः दिवसाः अनन्तरं च कुलसप्तदिनानां कृते संस्कृतसप्ताहस्य आयोजनं भवति, यदा तु रक्षाबन्धनदिने श्रावणपूर्णिमा संस्कृतदिवसरूपेण आचर्यते ।
सप्तदिनानि यावत् एषः कार्यक्रमाः प्रचलिष्यन्ति
संस्कृतभारत्याः प्रान्तमन्त्री संजुप्रसाद ध्यानी इत्यनेन उक्तं यत् अस्मिन् वर्षे संस्कृतभारती उत्तराखण्डस्य विभिन्नेषु भागेषु संस्कृतसप्ताहस्य कार्यक्रमान् आयोजयति। शोभायात्राः, जिलासम्मेलनानि, गोष्ठ्यः जनसम्पर्क-अभियानानि इत्यादयः कार्यक्रमाः विभिन्नेषु स्थानेषु निर्धारिताः सन्ति एतदर्थं संस्कृतभारत्याः प्रान्ताध्यक्षा जानकी त्रिपाठी, प्रान्तसंघठनमन्त्री गौरव शास्त्री, प्रान्तसहमन्त्री चन्द्रप्रकाशः उप्रेती अन्ये च प्रान्तीयकार्यकर्तारः विभागसंयोजकाः जनपदसंयोजकाः विविधदायित्ववन्तः कार्यकर्तारः आयोजनं कुर्वन्तः सन्ति ।
देहरादून-नगरे प्रथमदिने यज्ञ-शोभयात्रा, द्वितीयदिने जनसम्पर्क-अभियानम्, तृतीये दिने भाषण-अभियानम्, चतुर्थे दिने संस्कृत-कथापाठं, पञ्चमे दिने संस्कृत-गोष्ठी, संस्कृत-जनजागरण-संवाद षष्ठे दिने जनसंवादः सप्तमे च समापनम् भविष्यति।
महन्तकृष्णगिरिः संस्कृतभारतीं सम्मानितवान्
श्री तपकेश्वरमन्दिरस्य जङ्गमशिवमन्दिरस्य च श्री महन्तश्रीकृष्णगिरी जी महाराजः संस्कृतभाषायाः प्रचारार्थं निरन्तरप्रयत्नानाम् कृते संस्कृतभारतीयाः कार्यकर्तृणां सम्मानं कृतवान्. अस्मिन् अवसरे महन्तकृष्णगिरी इत्यनेन उक्तं यत् संस्कृतभाषा भारतीयसंस्कृतेः स्वरः अस्ति।आम् भारतीयसंस्कृतिः संस्कृतभाषायां एव निहितः अस्ति, तस्याः रक्षणार्थं सर्वेषां योगदानं कर्तव्यम् अस्ति।
अस्मिन् अवसरे अस्मिन् अवसरे संस्कृतभारतीप्रान्तमन्त्री संजुप्रसाद ध्यानी, न्यासी राकेशकुमारशर्मा, विभागसंयोजक: नागेन्द्रव्यासः, जिल्लामन्त्री डा.प्रदीपसेमवालः, महानगरमन्त्री माधवपौडेलः, अनेके कार्यकर्तारः च भागं गृहीतवन्तः।
प्रथमदिन शोभायात्रा -
संस्कृतभारत्या: पक्षतः देहरादूनमहानगरस्य कार्यकर्तारः नगरे संस्कृतभाषायाः जनजागरणार्थं शोभायात्राम् अकुर्वन् । पल्टनबाजारादिविविधस्थानेषु गच्छन् शोभायात्रा घण्टाघरे एव समाप्तः ।
संस्कृतं शोभायात्रायां संस्कृतं जपं प्रतिध्वनितम्
पल्टनबाजारे शोभायात्रा यदा गतवती तदा कार्यकर्तारः उत्साहेन बहवः उद्घोषा: उत्थापितवन्तः। वदतु - वदतु संस्कृत भाषा! जयतु जयतु संस्कृत भाषा! सम्पूर्णं पल्टन-विपण्यं उद्घोषैः प्रतिध्वनितम् ।
वन्दे संस्कृतमातरम्।.

• Post By : Uttarakhand
• |
• 30-08-2023
• |